ഒരു പായ്ക്കറ്റില്‍ 12 മിനിട്ട് ഉറക്കം നഷ്ടം........
വാഷിങ്ടണ്‍ • പുകവലി ആയുസ് മാത്രമല്ല, ഉറക്കവും കുറയ്ക്കുന്നു. ഓരോ സിഗററ്റും 1.2 മിനിട്ട് വീതം ഉറക്കം കുറയ്ക്കുന്നുവെന്നാണ് ഫ്ളോറിഡ യൂണിവേഴ്സിറ്റിയുടെ നേതൃത്വത്തില്‍ നടത്തിയ ഗവേഷണം തെളിയിക്കുന്നത്. പുകവലിക്കാരില്‍ 11.9 ശതമാനമാളുകള്‍ ഉറക്കത്തി ലേക്കു വീഴാന്‍ കൂടുതല്‍ സമയമെടുക്കുന്നു. 10.6 ശതമാനം ഉറക്കത്തി നിടയില്‍ എണീക്കുന്നു. 9.5 ശതമാനം രാവിലെ വളരെ നേരത്തെ ഉറ ക്കംവിട്ട് എണീക്കുന്നു. എന്നാല്‍ പുകവലിക്കാത്തവരില്‍ മേല്‍പ്പറഞ്ഞ പ്രശ്നങ്ങള്‍ താരതമ്യേന കുറവാണ്. പുകവലി നിര്‍ത്തിയവരിലാകട്ടെ നല്ല മാറ്റം കാണുന്നുമുണ്ട്.
പുകവലിയും ഉറക്കവും തമ്മിലുള്ള ബന്ധത്തെപ്പറ്റി ആദ്യമായാണ് ഒരു പഠനം നടന്നത്. ദേശവ്യാപകമായി വിപുലമായ തോതിലാണ് പഠനം നടത്തിയതും. ഉറക്കക്കുറവാണ് പലപ്പോഴും വിഷാദം, പ്രമേഹം, രക്താതി സമ്മര്‍ദ്ദം എന്നിവയ്ക്കു കാരണമാകുന്നത്. പുകവലി മൂലമുണ്ടാകുന്ന ക്യാന്‍സര്‍, കാര്‍ഡിയോവാസ്കുലര്‍ രോഗങ്ങള്‍ തുടങ്ങിയവയേക്കാള്‍ ഉറക്കക്കുറവുമായി ബന്ധപ്പെട്ടുണ്ടാകുന്ന രോഗങ്ങളായിരിക്കും പുകവ ലിക്കാരെ നേരത്തെ മരണത്തിലേക്കു വലിച്ചിഴച്ചുകൊണ്ടു പോകുന്ന തെന്ന സൂചനയാണു ഗവേഷണം നല്‍കുന്നത്.
പുകവലി ഉയര്‍ത്തുന്ന ആരോഗ്യപ്രശ്നങ്ങള്‍ പലതാണ്. അതിനാല്‍ പുകവലി വേണ്ടെന്നു വയ്ക്കൂ. ഓരോ പായ്ക്കറ്റിനും 12 മിനിട്ട് ഉറക്കം കൂടി ഇനി കിട്ടും. മാത്രമല്ല, ഉറക്കക്കുറവു വരുത്തുന്ന രോഗങ്ങളെ അകറ്റി നിര്‍ത്തുകയുമാവാം.
No comments:
Post a Comment